Parte Hartuz
Metodologia
Parte hartzaileen bilaketa lana eta gazteen profila
Pertsona hauek jardunaldi honetara erakartzeko Eusko Ikaskuntzak jarraitu duen metodologia eta lan prozesua ondorengoak dira:
- Eusko Ikaskuntzako bazkide diren unibertsitateko irakasleengana jo: Gai honekin harremana zuten ikasmaterialak ematen zituzten irakasleei ikasleak erakartzeko laguntza eskatu eta jardunaldietan inplikatzen ahalegindu ginen.
- Gipuzkoa mailan diren elkarteetara jo genuen (euskara elkarteak, izaera parte hartzailea duten elkarteak, Gobernuz Kanpoko Erakundeak...)
- Tarjetoi eta kartelak banatu: Tarjetoi eta kartelak 159 erakunde, pertsona eta instituzioetara bidali genituen eta horrez gain, gazteak elkartzen diren hainbat guneetan banatu genituen (unibertsitatea, liburutegiak, Gazte Bulegoak, kirol guneak...)
- Horrez gain, Eusko Ikaskuntzako bazkide gazteen artean informazioa hedatu zen.
Parte Hartuz erabakitzen duzu jardunaldian parte hartu zuten gazteek ezaugarri hauek zituzten:
- 18-30 urte artekoak.
- Parte hartzearen edota politikaren gaian interesa zuten gazteak ziren.
- Eusko Ikaskuntzarekin aurretik harremana zuten askok.
Esan beharra dago gazteak jardunaldi honetara erakartzeak esfortzu berezia eskatu zuela. Parte hartzaile guztiekin jarraipen pertsonala eta etengabea egin genuen, posta elektronikoz informazioa eta oroigarriak bidaliz. Azkenik, jardunaldia burutu baino bi egun lehenago pertsona orori telefonoz deitu zitzaien ekitaldia oroitarazteko eta euren presentzia konfirmatzeko.
Jarraipen lana oso garrantzitsua izan zen ekimen honen arrakasta bermatzeko.
ARGAZKI GALERIA
