Gizarte solidarioa
Pertsona, kolektibo, hizkuntza, balio, sineskera edota jardunbideen aniztasuna ezagutuz eta eskubide pertsonal eta kolektiboak babestuz gizarte eta ekonomia mailako aldeak murriztuko direlakoan gaude.
Ardatz honetan parte hartu zuten gazteek ere iritzi berdina erakutsi zuten, hona hemen haien hausnarketaren ondorioak.
- Zalantzarik gabe, ezinbestean mundu mailako testuinguru orokor batean sartuta gaude, bai elkarren artean izugarri konektatuta dauden gizartean bizi garelako, bai, aitzitik, garapenaren edo mugikortasun globalaren erdiguneetatik urrun bizitzeak dakarren bazterketaren ondorioak jasaten ditugulako.
- Nazioarteko erakundeek eta gizarte zibilak iparra eta hegoaren arteko distantziak murrizteko lan handia egin duten arren, gaur egungo krisialdi ekonomikoaren koiunturak iparraldeko herrialdeen hegemonia indibidualista agerian utzi du. Hala ere, ez da atzera bueltarik ez duen ekonomia edo gizarte polarizazio prozesu bat, eta ordea, hainbat aukera daudela esan daiteke, eta gizarte solidario bat bilatzea abiapuntu egoki bat izan daiteke.
- Gerta daiteke elkartasunaren kontzeptuak hainbat adiera ideologiko edo politiko izatea. Horietako bat, eta proposamen modura, zera da, elkartasuna mendekotasun, esplotazio eta karitate politikak alde batera uzteko prozesu gisa planteatzea. Bestela esanda: elkartasuna berdintasunaren eta justiziaren idealak lortzeko bide gisa planteatzea.
KOORDINATZAILEA
Iker Barbero
Ondorio luzeak irakurtzeko klikatu hemen
Lanen laburpenak:
