Genero sistemak
Zeintzuk dira botere-harremanek berezkoak dituzten desorekak? Zeintzuk dira emetasunari eta maskulinotasunari lotutako gizarte-malgutasunerako oztopo diren rol estatikoak? Galdera hauei erantzuna ematea izan zen ardatz honen helburu.
Bestalde, generoarekin lotutak dauden bizitza pertsonala, soziala eta lanekoa bateratzeko zailtasunak aztertu nahi izan genituen. Honekin lotuta, kualifikazio profesionala izan arren, emakumeek lanpostuak eta ardura-karguak eskuratzeko eta mantentzeko zailtasunak nabarmendu nahi izan genituen.
Ildo hau jarraituz, hauek izan ziren gazteen lanen aurkezpena eta eztabaidarako denboraren ondorioak.
- Historian zehar emakumeek lan eta ikerketa ugari egin dituzte, baina hala ere, emakume gehienak itzaletan gelditu dira. Gaur egungo gizartean, desberdintasun eta desoreka horiek indar handia dute oraindik. Hedabide handiek sortutako estereotipoek eta hezkuntzak desoreka horiek bultzatzen dituzte. Hala ere, desberdintasun horientzako konponbideak planteatu behar dira. Konponbideak gizakien eskuetan daude. Alternatibak izateko legeetan berdintasunak izan behar du nagusi, baita hedabideen mezuetan ere eta dauden desberdintasunen berri ematea hasteko modu bat izan daiteke. Desberdintasun hori islatzen duten bi errealitate oso nabarmen daude. Alde batetik, emakumeen aurkako indarkeria; bestetik, lan munduko diskriminazioa.
- Emakumeen aurkako indarkeria ez da beti begi-bistakoa eta nabarmena izaten. Isilpeko indarkeria ere badago, eguneroko bizitzan gertatzen dena. Indarkeria hori, hala ere, arlo pribatuan eta modu indibidualean gertatzen da.
- Lan munduan dauden desberdintasunei dagokienez, itxuraz guztiok emakumeen eta gizonezkoen arteko lan munduko eta etxeko berdintasunarekin ados gauden arren, zeharkako diskurtsoetan azaleratzen diren pentsamenduetan desberdintasuna da oinarri, hainbat gauza «normaltzat» jotzera arte.
- Hortaz, desberdintasun horiek gainditzeko formaren zein edukiaren dimentsioak landu behar ditugu. Hau da, legezko berdintasuna eta diskriminazio positiboa bultzatzeaz gain, desberdintasun horiek helarazten dituzten gizarte roletan ere esku hartu behar dugu, hau da, barne kontzientzian. Hortaz, berdintasunerako beharrezko arau eta neurriak bermatzeaz gain, barne kontzientziak astindu behar dira talde mailako zein banakako arau eta jokabideen bitartez.
KOORDINATZAILEA
Jone Martínez
Ondorio luzeak irakurtzeko klikatu hemen
Lanen laburpenak:
- Emakume zientzialariak berreskuratzen
- Emakume zientzialariak. Zientziaren ikusmolde androzentrikotik berdintasunerakobidean
- Emakumeak eta Zientzia
- Emakumeak gizonak bezain zientzialari
- Emakumeak zientzialariak
- Emakumeen ekarpena gabe osatu ezin den zientzia
- XX. mendeko emakume zientzialariak
- Reconciliación vida familiar y laboral
- Violencia de género en la universidad
- Violencia de género en los jovenes
